ශ්රී ලංකාව සහ ඉන්දියාව අතර ද්විපාර්ශ්වික වෙළඳ, ආයෝජන සහ ව්යාපාරික සබඳතා තවදුරටත් පුළුල් කිරීමේ අරමුණින් විශේෂ ව්යාපාරික හමුවක් සංවිධානය කිරීමට ලංකා වාණිජ මණ්ඩලය (Ceylon Chamber of Commerce) පියවර ගෙන තිබේ.
ඉන්දීය වාණිජ මණ්ඩලයේ (ICC) ප්රමුඛ පෙළේ නියෝජිත පිරිසකගේ ශ්රී ලංකා සංචාරයට සමගාමීව පැවැත්වෙන මෙම විශේෂ ජාලකරණ වැඩසටහන (Networking Session) තුළින් දෙරටේ ව්යාපාරිකයන්ට සෘජුව හමුවී අලුත් වාණිජ අවස්ථා මෙන්ම හවුල්කාරිත්වයන් ගොඩනගා ගැනීමට විශාල අවස්ථාවක් හිමිවනු ඇත.
ක්ෂේත්ර රැසක ඉහළ පෙළේ ඉන්දීය නියෝජිතයන් 30ක් කොළඹට!
මෙම හමුව සඳහා ඉන්දියාවේ විවිධ ක්ෂේත්ර නියෝජනය කරන ප්රමුඛ පෙළේ ව්යාපාරිකයන් සහ නිලධාරීන් 30 දෙනෙකුගෙන් යුත් ප්රබල නියෝජිත පිරිසක් සහභාගී වීමට නියමිතය.
නියෝජනය වන ප්රධාන ක්ෂේත්ර:
- නිපදවීම් සහ නිෂ්පාදන ක්ෂේත්රය (Manufacturing)
- ඉංජිනේරු, ගොඩනැගිලි සහ යටිතල පහසුකම් (Construction & Infrastructure)
- සෞඛ්ය සහ ඖෂධ නිෂ්පාදනය (Healthcare & Pharmaceuticals)
- තොරතුරු තාක්ෂණය සහ ඩිජිටල් සේවා (IT & Digital Services)
- පුනර්ජනනීය බලශක්තිය (Renewable Energy)
- කෘෂිකර්මාන්තය සහ ආහාර සැකසුම් ක්ෂේත්රය (Agriculture & Food Processing)
- සංචාරක සහ ආගන්තුක සත්කාර සේවා (Travel & Tourism)
- ජල පිරිපහදු සහ කාර්මික ඛනිජ අපනයන/ආනයන
- උපදේශන, මත්පැන්/වයින් නිෂ්පාදනය, විදේශගතවීම් සේවා, ලලිත කලා සහ ක්රීඩා භාණ්ඩ නිෂ්පාදනය
ව්යාපාරිකයන්ට හිමිවන වාසි මොනවාද?
ශ්රී ලංකාවේ විශාලතම සහ ප්රධානතම වෙළඳ සහකරුවෙකු වන ඉන්දියාව සමඟ නව ආයෝජන අවස්ථා විවර කරගැනීමටත්, දේශීය ව්යාපාර කලාපීය මට්ටමින් ප්රකාශනය කිරීමටත් මෙම හමුව මනා පිටුවහලක් වනු ඇත. ලංකා වාණිජ මණ්ඩල ජාලයට අයත් ඉන්දු-ලංකා වාණිජ හා කර්මාන්ත මණ්ඩලය (ILCCI) සමඟ එක්ව මෙම වැඩසටහන මෙහෙයවනු ලබයි.
හමුව පැවැත්වෙන වේලාව සහ ස්ථානය
- දිනය: 2026 ජූලි 28 වන අඟහරුවාදා
- වේලාව: පෙ.ව. 10.00 සිට පෙ.ව. 11.30 දක්වා
- ස්ථානය: හිල්ටන් කොළඹ රෙසිඩන්සීස් (Hilton Colombo Residences)
ලියාපදිංචි වන්නේ කෙසේද?
මෙම හමුව සඳහා සහභාගී විය හැකි පිරිස සීමිත බැවින්, උනන්දුවක් දක්වන ශ්රී ලාංකික ව්යාපාරිකයන්ට සහ ව්යවසායකයන්ට කඩිනමින් ලියාපදිංචි වන ලෙස සංවිධායක මණ්ඩලය දැනුම් දෙයි.
- සෘජු ලියාපදිංචිය: event.chamber.lk/event-register/490
- වැඩිදුර තොරතුරු සඳහා: +94 11 558 8840
- විද්යුත් තැපෑල: ccc.trade@chamber.lk