ලෝකය පුරා බියක් ඇති කළ ඉබෝලා (Ebola) වෛරසයේ නව ප්රභේදයකට එරෙහිව සාර්ථක එන්නතක් නිපදවීමට රුසියානු විද්යාඥයින් සමත්ව ඇති බව රුසියානු සෞඛ්ය අමාත්ය මිහායිල් මුරෂ්කෝ (Mikhail Murashko) මහතා නිල වශයෙන් ප්රකාශ කර තිබේ.
සෞඛ්ය අමාත්යවරයා පෙන්වා දෙන්නේ දැනට කොංගෝ රාජ්යයේ වේගයෙන් පැතිර යමින් පවතින අතිශය දුර්ලභ ගණයේ ‘බුන්ඩිබුගියෝ’ (Bundibugyo) නැමති ඉබෝලා ප්රභේදයට එරෙහිව වුවද මෙම නව එන්නත මඟින් ඉහළ ආරක්ෂාවක් සැලසිය හැකි බවයි. දකුණු අප්රිකාවේ රුසියානු තානාපති කාර්යාලය ද තමන්ගේ නිල 'X' (ಟ್විටර්) ගිණුම හරහා මෙම සාර්ථක සොයාගැනීම තහවුරු කරමින් ලෝකයටම නිවේදනය කර ඇත.
කෙසේ වෙතත්, රුසියාවේ මෙම නව නිපැයුම පිළිබඳව ගෝලීය සෞඛ්ය විශේෂඥයින් සහ ජාත්යන්තර නියාමන ආයතන දැඩි අවධානයකින් පසුවෙයි. ඔවුන් පෙන්වා දෙන්නේ මෙම එන්නත පොදු මහජනතාව සඳහා පුළුල් ලෙස භාවිත කිරීමට පෙර, එහි මිනිස් සායනික පරීක්ෂණවල (Human Clinical Trials) දත්ත, විද්යාත්මක සම-සමාලෝචිත ප්රකාශන සහ ලෝක සෞඛ්ය ආයතනවල නිල අනුමැතිය ලබා ගැනීම අනිවාර්යයෙන්ම සිදුවිය යුතු බවයි.
ඉබෝලා වෛරසය යනු ලෝකයේ පවතින දරුණුතම සහ මාරාන්තික වෛරස් ගණයේ රෝගයක් වන අතර, රුසියාවේ මෙම නව එන්නත සාර්ථක වුවහොත් එය සමස්ත ලෝක වැසියන්ගේම ආරක්ෂාව වෙනුවෙන් තැබූ ලොකු පියවරක් වනු ඇත.